下午茶

文化大革命
又一段亂七八糟的歷史

被批鬥的人頸上要吊著好重好重的鐵錬
加多一個牌牌
寫著「貪錢」「貪慕虛榮」「大地主」
問你認唔認
唔認?
一棍棍大大力打落去
要遊街架
在村中的大街小巷中穿插
「乜啲地主真係好衰架咩」
「冇架!啲地係佢地老豆留低,關佢地鬼事咩!」

小學生要日日背毛語錄
唱 東方紅 太陽升 中國出了個毛澤東
上午返學下午耕田
有時要遊行 高喊「一定要解放台灣」
也要到其他村"串連"
走路過去 一走就是幾小時
「以前返學邊度學倒字丫 成日都上上下堂走去耕田 返學又返得兩三年」

耕田是分生產隊的
每年每家只會賺到幾百元
在生產隊識到了好朋友
佢好慘架 不過又洗過不乾淨錢
原來大陸用錢買個車牌就可以揸車架喇
考都唔洗考 俾錢就得

「係咪有知識青年下鄉架?」
有架有架 唔知佢地點分配呢
啲人落黎耕田 有鬼力咩平時執開支筆仔
「咁佢地之前讀果啲書係廢架?」
係呀 有乜辦法
個社會就係咁架喇

以上是今天下午茶時和媽媽的對話
何解又話當年?是因為
「點解你果時會想偷渡黎香港?你又知香港好?」
「係呀果時鄧小平放左班人黎香港.......」

你話丫?
係咪書都唔洗揭丫?
邊有講咁多野呀大佬?