一雙手

考完試 終於可以返童軍
是日集會主題：執童軍室
雖然不大 但物資太雜亂
所以上年開始便訂定每年六月的集會內容

回到旅部
鄭小朋友問：
「點解你返黎嘅?」
「執童軍室嘛唔係咩?」
「上兩個禮拜都冇人執..得我同Janet第一次執左venture個箱咋」
點解?

懶得打電話去問點解你唔黎呀
人要放飛機一定滿腹理由等你打俾佢
倒不如將聽到原因後嘆的那口氣省下來
好好的執那堆膠箱

多謝鄭小朋友陪我執到五點
執完那堆垃圾三角巾再走
誰說得一個人返集會就唔執童軍室要返屋企?
只是當人站到梯子的最高
有點不穩 箱子又太重拉不動 看不清內籠有些什麼時
我希望能一野將個箱拉出來
遞給樓下等待著的幾雙手

到底是我太看重電腦屏幕上白底黑字的小承諾?
抑或這個年代唔興「約左就係架喇」
必須要在活動開始前打電話給全世界作確認?
又，可能而家唔興「我黎唔倒要down聲」吧
才會有我腦海裡的疑問 和這篇文字的誕生

也罷
反正未來一年也不用 且沒有機會研究
「作為深資童軍團成員，是否應該盡量出席每次集會和活動，就算缺席也交代一聲」
這團迷思
結果很可能是
「甩底有幾奇呀?大驚小怪!集會不嬲都冇人返架啦人地唔返我點解要返呀?我要打機呀唔落去囉所以!我功課好忙。唔...有野做。」

是日心情：少少憤怒 灰灰地 更多的是失望