全叔

雜誌說到種木瓜好麻煩
所以我想到你了

從小已跟校工非常有緣
小學時的梅姨倫叔都好鍚我
上到中學又經常跟校工們搭訕
然後 藍福全小朋友成了我老友

你坐在reception 見我行過
「喂靚女過黎吹下水先啦」
然後拍拍身邊的籐椅 調了調風扇
無無聊聊的問我
「今日食乜送呀?你遲早會厭左食住家飯架!」
又會鬼鬼祟祟的塞我一包菊花茶
「我岩岩響禮堂偷落黎架!淨係益你架咋」

中四 有一天
你無神神對我說
「我睇唔倒你畢業睇唔倒你升大學架喇」
「做乜咁講呀」
「我有病呀!你中七我應該退左休架喇」
「講埋啲衰野!又話教我影相?」
你從抽屜拿出幾本相簿 全都是花
「我好勁架!拎過獎架呢啲相!」
然後得得戚戚的等我讚你

中四 考試前
你又大大聲叫住我
「喂帶你去睇好野!」
原來他在旗桿後種了幾株木瓜樹
「放學之後搵我,用報紙包住佢捧返屋企食啦~」
但我忘了

中四 考試後
「對唔住呀上次冇搵你~sorrysorry你好靚仔呀今日」
但你已對我不揪不睬
升上中五如是
到我死命爬回了原校讀
學校新裝了CCTV
「因為而家冇左駐校校工所以要裝CCTV呀」校長說

又話我升倒上中六的話請我去飲茶食KFC?
條數點計先 有人走數呀
我。返。左。黎。喇。

對於你粒聲唔出走左去 我想了很多
查實你係咪唔想我唔捨得你所以特登疏遠我呀死佬?
我覺得一定係囉
為了個木瓜而唔理我的確很蠢
但你有時又真係好蠢

「你係我響沙官最FRIEND嘅朋友架喇靚女」
你都係丫 靚仔
知道嗎 我開始後悔沒問你電話號碼 沒跟你拍張照
我總以為 還有時間的