七月開始了，我還是情不自禁滾回旅部去。路過順便入去睇下囉、執完露營野又過隔離望下囉、打波打到十點又走去見下班仔囉。每次返完去，總會有一堆問題被丟出來討論，然後，一得閒就會在家屎忽痕的為個團想解決方案。暑假過去了。
我想，我估，我猜，是因為一直以來我都是個垃圾筒。一來是因為自己耳仔軟，聽到有問題就好想好想去幫手﹔二來是這些年來我都是垃圾收集箱，濕碎野是我的，我們都習慣了。
於是呢，我決定，今日開始要奉行「我唔知我唔聽我唔理我唔問」政策，有效期直至二零一二年四月二十日。對不起快將升仙的、仲有幾年命的、和剛剛升團的小朋友仔，其實我是非常非常想每次練習到齊，計劃好整個訓練進程，和你們在暑假一起衝衝衝，然後，我們一起長大，幾年後，看著你們升團，又看著新一批小朋友進團，看他們長大，看自己變老。請原諒我這個超級無敵自私精和極不負責任的舉動，因為在香港，十八歲的人被逼要為「入大學」而努力，如果失敗仔，就要多花幾年時間為「入大學」而努力。非常沉悶但無力反抗的十八歲。
應承你們，二零一二年四月廿一日我會回來，又會像上年暑假一樣，全副心力陪你們成長，又或者是由你們教我成長。但而家，我唔理喇！我乜都唔理喇！
沒有留言:
發佈留言