七文鼎甲

退隱之前，想打幾句說話。

好命地升中六以後，覺得未來兩年應該除了讀書之外都冇野好搞，但意外就是意料之外，估佢唔到繼中五戊的同學好好玩之後，又遇到一班好好玩的同學，不是說不讀書，而是很懂得寓學習於搞gag的藝術。特別是搬到貨櫃生活之後，可以隨便用的娛樂實在太多，例如每日睇樣衰kick親，欣賞家興撥頭髮的絕技，每朝睇人遲到跑返學校，在後花園自修、曬太陽、野餐，呃Miss Cheung送羽毛球俾我地打，用一切有平面的東西打羽毛球，周圍偷乒乓球板入課室打波，鬥快拍死蚊，輪住更地走堂，周圍捐窿捐lah找地方自修，笑潤潤，扮prefect呃小朋友，望住班中十二位基佬星人日攬夜攬…

在我習慣了不能在貨櫃講秘密因為太細全部人都會聽到，又因為貨櫃太細如果問人借粉底全班都會知道的情況下，原來，相處時間只剩一星期多少少。我不認為大家會一直保持聯絡直至老死，但肯定會掛住這班很無聊的七文小朋友，當然也包括飛走了的Lorraine，成日幫我地擋衰野的王上，還有曾經死在我們班的所有蛇蟲鼠蟻，善哉善哉。琴日我地放生了一隻飛蛾！終於做了件好事！

送上一段貨櫃還未變成課室時的拍蚊片段，當日拍死了十隻！

 

還有大家都喜愛的運動

各位高考要成功呀